Tarehe : March 23, 2024, 9:06 a.m.

●Kuongeza udahili wa wanafunzi kutoka 180 mpaka 450.

● Kuwa kitovu cha uthaminishaji madini Afrika.

Na.Samwel Mtuwa - Arusha

SERIKALI kupitia Wizara ya Madini  inatarajia  kujenga jengo pacha la Kituo cha Jemolojia Tanzania (TGC) jijini Arusha ambalo litasaidia kuongeza udahili kutoka wanafunzi 180 hadi 450 kwa mwaka.

Hayo yamebainishwa na Kaimu Mratibu wa kituo hicho, Mhandisi Ally Maganga wakati akitoa ufafanuzi kwa waandishi wa habari  kuhusu mradi wa  ujenzi wa jengo hilo.

Mhandisi Maganga amesema, jengo hilo litakuwa na miundombinu mbalimbali ikiwemo madarasa, makumbusho, masoko ya madini ya vito, karakana za uongezaji thamani madini, maabara za madini ya vito na bidhaa za usonara, ofisi na mabweni ya wanafunzi.

Amesema, jengo hilo litakuwa mahsusi kwa utoaji wa mafunzo ya kuongeza thamani madini ya vito , minada ya madini ya vito na maonesho ya madini.

by: madini