Tarehe : June 26, 2023, 12:31 p.m.

Kamishna wa Madini Dkt. Abdulrahman Mwanga amempongeza Mtumishi wa Wizara hiyo Joseph Manaku kwa kulitumikia Taifa kwa weledi na uzalendo mkubwa hadi kufikia muda wake wa kustaafu Utumishi wa Umma.

Dkt. Mwanga ametoa pongezi hizo katika hafla fupi ya kumuaga mtumishi huyo iliyoandaliwa na Idara ya Madini katika viwanja vya Chinangali Park Jijini Dodoma.

Dkt. Mwanga amesema, Manaku ni mtu wa upendo, mshikamano na mpenda haki, ambapo Wizara hiyo bado inamuhitaji lakini kutokana na Sheria inabidi astaafu utumishi wa umma.

Kwa upande wake, Kaimu Mkurugenzi wa Utawala na Rasilimali Watu Wizara ya Madini Nsajigwa Kabigi amewataka watumishi wa Wizara hiyo kuiga mazuri yote aliyoyafanya Manaku ili kuleta maendeleo na tija katika utumishi wao.

Naye, Joseph Manaku amewashukuru watumishi wa Wizara ya Madini na Taasisi zake kwa mkupa ushirikiano wa kutosha katika kipindi chote cha utumishi wake katika wizara hiyo na kuwaomba kuendelea kushirikiana kwenye shida na raha katika kipindi chake chote cha utumishi wao.

Hafla hiyo ya kumuaga Manaku imewashirikisha viongozi mbalimbali wa Wizara ya Madini na Taasisi zake.

by: madini