Tarehe : Oct. 27, 2023, 5:48 p.m.

Waziri wa Madini, Mhe.  Anthony Mavunde leo Oktoba 27, 2023 amekutana na Balozi wa Hispania nchini Tanzania, Mhe. Jorges Moragas ofisini kwake jijini Dar es Salaam kwa lengo la kuendeleza ushirikiano baina ya Tanzania na Hispania hususan katika Sekta ya Madini  ambapo wamejadiliana kuongeza ushirikiano katika eneo la utafiti wa kina wa madini.

Katika kikao hicho, Waziri Mavunde amemweleza Balozi Moragas kuhusu Vision 2030: Madini ni Maisha na Utajiri na kwamba Serikali imepanga kufanya utafiti wa kina wa miamba ili kuwa na kanzidata ya kutosha kuhusu maeneo yenye rasilimali madini sambamba na kufungamanisha na sekta zingine zikiwemo za Kilimo, Maji, Afya, Biashara pamoja na uchumi kwa ujumla.

by: madini